Türkiyədə Azərbaycanlılara Qarşı Soyqırım və Deportasiyalar Mövzusunda Konfrans Keçiriləcək
Aprelin 9 və 11-də Türkiyədə “XX əsrdə azərbaycanlılara qarşı törədilən erməni problemi, soyqırımı və deportasiyalar” mövzusunda beynəlxalq konfrans təşkil olunacaq. Tədbir Bakı Dövlət Universiteti (BDU), “Zəfər” Şəhid Ailələrinə Dəstək İctimai Birliyi, Dokuz Eylül Universiteti, Anadolu Universiteti, İzmir-Azərbaycan Dərnəyi və Eskişehir-Azərbaycan Dərnəyinin birgə təşkilatçılığı ilə baş tutacaq.
Konfransın ilk günü – aprelin 9-da Dokuz Eylül Universitetində, ikinci günü – aprelin 11-də isə Anadolu Universitetində keçiriləcək. Tədbirdə BDU və türk alimləri ermənilərin azərbaycanlılara qarşı törətdikləri soyqırım və deportasiyalarla bağlı məruzələr təqdim edəcək. Açılış nitqləri və panel müzakirələri zamanı tarixi faktlar, elmi araşdırmalar və mövzuya dair yeni yanaşmalar müzakirə olunacaq.
Bu konfrans, Azərbaycan tarixində baş vermiş faciələr haqqında beynəlxalq ictimaiyyəti məlumatlandırmaq, erməni təcavüzünün nəticələrini sənədlərlə sübut etmək və akademik müstəvidə geniş diskussiya yaratmaq baxımından böyük əhəmiyyət daşıyır.
