Türkiyə Sosial Şəbəkələrə Yaş Məhdudiyyəti Tətbiq Edəcək
Türkiyə hökuməti sosial şəbəkələrə giriş üçün yaş məhdudiyyəti tətbiq etməyi planlaşdırır. Nəqliyyat və İnfrastruktur Naziri Əbdülkadir Uraloğlu bildirib ki, bu ilin sonuna kimi 13 yaşdan kiçik uşaqların sosial şəbəkələrdən istifadəsi tamamilə qadağan ediləcək, 16 yaşdan kiçik yeniyetmələrin isə girişinə məhdudiyyət qoyulacaq.
Türkiyə mətbuatının verdiyi xəbərə görə, bu tədbir azyaşlıları zərərli məzmundan qorumaq və onların rəqəmsal mühitdə həddindən artıq vaxt keçirməsinin qarşısını almaq məqsədi daşıyır. Məhdudiyyətlərin hansı platformalara və hansı tənzimləmə mexanizmlərinə təsir edəcəyi isə hələ dəqiqləşdirilməyib.
