Yunanıstanda Türkiyəyə Qarşı Təhqiramiz Şüarlar Gərginlik Yaradıb
Yunanıstanın Müstəqillik Günü münasibətilə keçirilən dövlət paradında Dəniz Akademiyasının kursantları Türkiyəyə qarşı təhqiramiz şüarlar səsləndirib. Yunanıstan hökuməti isə hadisə ilə bağlı hələ də rəsmi açıqlama verməyib.
Türkiyə Xarici İşlər Nazirliyi həm Ankarada, həm də Afinada baş verən hadisəyə sərt reaksiya göstərib. Yunan mediası isə Müdafiə Nazirliyindəki mənbələrə istinadən Yunanıstan Hərbi Dəniz Qüvvələri komandanlığının məsul şəxslərin tapılması və intizam tədbirlərinin tətbiqi üçün araşdırma başlatdığını bildirib.
Hadisə Yunanıstanda siyasi müzakirələrə səbəb olub. İfrat sağçı qruplar kursantların davranışına dəstək versə də, əsas müxalifət partiyaları bunu intizamsızlıq kimi qiymətləndirib.
