Haitiyə Qvatemala və Salvadordan Sülhməramlı Kontingent Gəlib
Haitinin paytaxtı Port-o-Prinsə Qvatemala və Salvadordan 83 nəfərlik sülhməramlı kontingent çatıb. Bu qüvvələr, Keniyanın başçılıq etdiyi çoxmillətli təhlükəsizlik missiyasını dəstəkləmək məqsədilə göndərilib.
Yerli “Le Nouvelliste” qəzeti, Haiti polisinin sözçüsü Lionel Lazarre istinadən məlumat yayıb. Onun sözlərinə görə, kontingent ABŞ ordusuna məxsus hərbi təyyarə ilə gətirilib.
Yaxın günlərdə Qvatemala və Salvadordan daha çox sayda sülhməramlıların Haitiyə göndərilməsi planlaşdırılır. Bu məqsədlə əlavə iki uçuş həyata keçiriləcək.
Keniyanın Rəhbərliyi ilə Çoxmillətli Missiya
2024-cü ilin iyun ayında Keniya, Haitiyə 10 ölkədən təxminən 2500 nəfərlik çoxmillətli təhlükəsizlik missiyasına rəhbərlik etmək üçün 400 zabit göndərib. Daha sonra Yamayka və Beliz də öz kontingentlərini bu missiyaya əlavə edərək töhfə veriblər.
