Donald Trampın Ticarət Tarifləri ABŞ İqtisadiyyatına 50 Milyard Dollar Gəlir Gətirib
ABŞ-ın sabiq prezidenti Donald Trampın tətbiq etdiyi ticarət tarifləri ölkəyə azı 50 milyard dollar gəlir qazandırıb. Bu barədə Ağ Evdə Milli İqtisadi Şuranın rəhbəri Kevin Hassett “Fox News” kanalına müsahibəsində məlumat verib.
“Tariflər tətbiq olunandan bəri biz 50-60 milyard dollar tarif gəliri əldə etmişik. Hər şey gözlədiyimiz kimidir və bu gün Apellyasiya Məhkəməsinin tariflərin bərpası ilə bağlı qərarından çox razıyıq“, – deyə Hassett bildirib.
Onun sözlərinə görə, ABŞ-nin Beynəlxalq Ticarət üzrə Beynəlxalq Məhkəməsi Trampın tarif siyasətinin icrasını dayandırmaqla, digər ölkələrlə ticarət razılaşmalarının qarşısını almağa cəhd edib.
Hassett əlavə edib ki, hazırda bir çox ticarət müqaviləsi imzalanmaq üzrədir və Apellyasiya Məhkəməsinin qərarı bu sövdələşmələrin tamamlanması üçün əlavə vaxt yaradıb.
“Bu o deməkdir ki, biz iqtisadi strategiyamızı davam etdirərək, tariflər vasitəsilə ABŞ maraqlarını qoruya biləcəyik“, – deyə rəsmi qeyd edib.
