Elazığda zəlzələ
Türkiyədə növbəti dəfə zəlzələ olub.
Bu barədə “Report” Türkiyə mətbuatına istinadən xəbər verir.
Bildirilir ki, yeraltı təkanlar yerli vaxtla saat 02:32-də Elazığ şəhərinin Sivrice rayonunda 4,5 maqnitudada qeydə alınıb. Zəlzələ ocağı 6,9 kilometr dərinlikdə yerləşib.
Türkiyənin Boğaziçi Universitetinin Rəsədxanası və Zəlzələ Araşdırma İnstitutu zəlzələnin 4,8 maqnitudada qeydə alındığını açıqlayıb.
Mənbə: report.az
