Türkiyə Milli Müdafiə Nazirliyi Kəlbəcərin işğaldan azad olunması münasibəti ilə paylaşım edib.
Bu barədə Birmillet.az saytı APA-ya istinadən bildirir. Paylaşımda deyilir ki, Ermənistanın işğalı altında olan Kəlbəcər 27 il sonra həqiqi sahiblərinə qovuşur.
“Qəhrəman Azərbaycan Ordusu Qarabağdakı əldə etdiyi böyük zəfərdən sonra əldə olunan razılaşma əsasında Ağdamdan sonra Kəlbəcərə daxil olub. Kəlbəcər 27 il sonra həqiqi sahiblərinə qovuşur. Şanlı Ay-ulduzumuz indi də azan səsləri ilə birlikdə Kəlbəcərdə dalğalanacaq”.
