Qazaxıstan və Türk Dövlətləri Təşkilatı arasında əməkdaşlıq gücləndirilir
Qazaxıstanın Baş naziri Oljas Bektenov və Türk Dövlətləri Təşkilatının (TDT) Baş katibi Kubanıçbek Ömüralıyev Astanada keçirilən görüşdə ali səviyyədə əldə edilən razılaşmaların icrasını və üzv ölkələr arasında əməkdaşlığın genişləndirilməsi perspektivlərini müzakirə ediblər.
Görüş zamanı əsas diqqət ticari-iqtisadi əməkdaşlığın aktivləşdirilməsi və qarşılıqlı tədarüklərin nomenklaturasının genişləndirilməsinə yönəlib.
“2023-cü ildə Qazaxıstanın TDT-yə üzv dövlətlərlə ümumi ticarət dövriyyəsi 11,4 milyard ABŞ dolları təşkil edib. Bu göstərici qarşıdakı illər üçün daha geniş potensialın mövcud olduğunu göstərir”, – deyə Qazaxıstan hökuməti bildirib.
Qazaxıstan Prezidenti Kasım-Jomart Tokayev, TDT ölkələri ilə ticarət əlaqələrinin inkişaf etdirilməsi məqsədilə xüsusi bir sənədin hazırlanmasını təklif edib. Görüşdə həmçinin humanitar təşəbbüslər və regional əməkdaşlıq imkanları da nəzərdən keçirilib.
Oljas Bektenov və Kubanıçbek Ömüralıyev, Qazaxıstan və TDT arasında qarşılıqlı faydalı əməkdaşlığın davam etdirilməsinə sadiq olduqlarını vurğulayıblar.
