Türkiyə Super Liqasında növbəti baş məşqçi istefası gerçəkləşib.
Birmillet.az saytı bildirir ki, Apasport.az saytının məlumatına görə, “Kayserispor”un çalışdırıcısı Samet Aybaba istefa verib.
Buna komandanın uğursuz nəticələri səbəb olub. Cəmi 8 çempionat matçında Kayseri təmsilçisinə rəhbərlik edən Aybaba 4 heç-heçə və 4 məğlubiyyətə şahidlik edib.
Bu, mütəxəssisin son iki ildə “Kayserispor”dan ikinci ayrılığıdır. Ümumiyyətlə, klub bu müddətdə 7-ci dəfə baş məşqçisini dəyişir.