Türkiyədən Açıq Mesaj: Ermənistan Azərbaycanın Sülh Şərtlərini Qəbul Etməyincə Heç Bir Müsbət Addım Atılmayacaq
HANKƏNDİ– Ermənistan Azərbaycanın təklif etdiyi sülh müqaviləsi şərtlərini qəbul etməyincə, Türkiyə tərəfindən Ermənistana qarşı heç bir müsbət addım atılmayacaq.
Bu fikirləri Türkiyə Prezidentinin təhlükəsizlik və xarici siyasət üzrə müşaviri Çağrı Erhan, Xankəndidə ADA Universitetinin təşkil etdiyi VII Siyasi Forumda səsləndirib.
Sülh Prosesi və Qərb Dövlətlərinin Mövqeyi
Çağrı Erhan bəyan edib ki, bəzi Qərb dövlətlərinin, xüsusilə də Fransanın ermənipərəst siyasəti, regionda davamlı sülhün əldə olunması prosesinə ciddi maneələr yaradır:
“Fransanın Aİ çərçivəsində Azərbaycana qarşı qəbul etdiyi qərarlar, o cümlədən Avropa Şurası Parlament Assambleyasında Azərbaycan nümayəndə heyətinin iştirakının dayandırılması, sülhə xidmət etmir.”
Türkiyənin Qəti Mövqeyi
Türkiyənin nümayəndəsi açıq şəkildə bildirib ki, İrəvan sülh razılaşmasını qəbul etməyənədək Ankara diplomatik və ya siyasi müsbət addımlar atmayacaq. Bu mövqe, regionda stabillik və təhlükəsizliyin yalnız real addımlar əsasında mümkün olduğunu göstərir.
