“Qarabağ məsələsində bitərəf ola bilmədiniz”. Birmillet.az saytının APA-ya istinadən verdiyi xəbərə görə, bu sözləri NATO XİN başçıları toplantısında Türkiyə XİN başçısı Mövlud Çavuşoğlu deyib.
NATO-ya üzv ölkələrin xarici işlər nazirlərinin bu gün telekonfrans formatında keçirilən toplantısında Fransa və Yunanıstan xarici işlər nazirlərinin Qarabağ münaqişəsi ilə bağlı Türkiyəni tənqid etməsinə Türkiyə XİN başçısı Mövlud Çavuşoğlu cavab verib.
Bu barədə Türkiyə diplomatik mənbələrindən “CNN Türk”ə verilən məlumatda qeyd olunub.
Diplomatik mənbələrdən o da bildirilib ki, NATO XİN başçıları toplantısında Türkiyənin təcrid edilməsi haqqında deyilənlər həqiqətən uzaqdır: “İclasda Yunanıstan, Fransa və ABŞ üçlüyünün Türkiyəyə yönəlmiş hücumları Almaniya, İngiltərə, İtaliya, İspaniyanın XİN başçıları tərəfindən dəstək ala bilməyib”, – deyə bildirilib.
