Türkiyənin səhiyyə naziri Fahrettin Koca Almaniyanın “BioNTech” şirkətinin sahibi Uğur Şahin və şirkətin digər əməkdaşları ilə videokonfrans formatında görüş keçirib.
Birmillet.az saytı bildirir ki, APA-nın yerli bürosunun xəbərinə görə, bu barədə nazir özünün “Twitter” səhifəsində yazıb.
F.Koca qeyd edib ki, toplantıda Türkiyədə COVID-19-a qarşı vaksinlərin istehsal olunması ilə bağlı son planlar haqqında fikir mübadiləsi aparmaqla yanaşı, Türkiyəyə ayrılan peyvənd dozalarının sayını artırmaq məsələsi də müzakirə olunub: “Yeni istehsal imkanları dövriyyəyə girdikcə Türkiyəyə ayrılan istehsal həcmi də artırılacaq”.
