Türkiyəyə başsağlığı
Azərbaycan Xarici İşlər Nazirliyi (XİN) Türkiyədə baş verən qar uçqunu və sərnişin təyyarəsinin qəzaya uğraması nəticəsində insan tələfatı ilə əlaqədar bu ölkəyə başsağlığı verib.
“Qardaş Türkiyənin Van şəhərində baş vermiş qar uçqunları və İstanbul şəhərində sərnişin təyyarəsinin qəzaya uğraması nəticəsində həlak olanların yaxınlarına hüznlə başsağlığı bildirir, yaralılara isə Allahdan şəfa diləyirik. Kədərin kədərimizdir, qardaş Türkiyə!”,-deyə, məlumatda bildirilib.
Xatırladaq ki, Türkiyənin Van bölgəsində baş verən qar uçqunu nəticəsində 39 nəfər həlak olub.
İstanbulda Sabiha Gökçen hava limanında İzmir-İstanbul reysini həyata keçirən sərnişin təyyarəsinin sərt eniş etməsi nəticəsində baş verən qəzada isə 3 nəfər həyatını itirib.
Mənbə: apa.az
