Azərbaycan və Özbəkistan arasında nəqliyyat və logistika sahəsində əməkdaşlıq genişlənir
Azərbaycan və Özbəkistan Ekspert Şurasının ikinci görüşü iki ölkə arasında nəqliyyat və logistika sahəsində əməkdaşlığın davamlı inkişaf etdiyini göstərir. Bu barədə “Report”un məlumatına görə, “Nəqliyyat dəhlizlərinin rəqəmsallaşdırılmasının inkişaf strategiyası” layihəsinin rəhbəri, “Özbəkistan Dəmir Yolları” SC-nin sədrinin birinci müavininin müşaviri Umidulla İbrahimov jurnalistlərə açıqlama verib.
Onun sözlərinə görə, Azərbaycan və Özbəkistan arasında nəqliyyat xidmətlərinin ixracı da artmaqdadır ki, bu da tərəflər arasında möhkəmlənən əməkdaşlıq əlaqələrinin göstəricisidir.
“Bugünkü görüş Mərkəzi Asiya və Cənubi Qafqaz regionları arasında logistika və nəqliyyat sahəsində əlaqələrin dərinləşdirilməsinə, qarşılıqlı təşəbbüslərin davam etdirilməsinə ciddi töhfə verəcək”, – deyə İbrahimov əlavə edib.
