İran ABŞ ilə Dolayı Danışıqların Növbəti Raundunda İştirakını Dəyərləndirir
İran hələ də ABŞ ilə dolayı danışıqların növbəti mərhələsində iştirak edib-etməməyə qərar verməyib. Bu barədə İranın xarici işlər naziri Abbas Əraqçi “Tasnim” agentliyinə açıqlamasında bildirib.
Nazir qeyd edib ki, Tehran hazırda danışıqlarda iştiraka dəyər olub-olmadığını qiymətləndirir:
“Əgər digər tərəflər bizim dinc nüvə proqramımızla bağlı şəffaflıq istəyirlərsə, biz buna hazırıq. Lakin bunun müqabilində onlar **ədalətsiz sanksiyaları ləğv etməlidirlər”, – Əraqçi bildirib.
Uranın zənginləşdirilməsi davam edəcək
Əraqçi əlavə edib ki, İran nüvə razılaşmasının imzalanıb-imzalanmamasından asılı olmayaraq, uran zənginləşdirmə fəaliyyətini davam etdirəcək.
Bu açıqlamalar, İran və ABŞ arasında gərginliklərin davam etdiyi və sanksiyaların ləğvi mövzusunun danışıqların əsas şərtlərindən biri olduğu bir vaxtda səsləndirilib.
