İsrailin Azərbaycandakı Yeni Səfiri Ronen Kraus Prezident İsaak Hersoqla Görüşdü
İsrailin Azərbaycana yeni təyin olunmuş səfiri Ronen Kraus, İsrail Prezidenti İsaak Hersoq ilə rəsmi görüş keçirib. Bu barədə diplomat özünün “X” sosial şəbəkəsindəki hesabında paylaşım edib.
“Prezident İsaak Hersoqla, eləcə də digər missiya rəhbərləri ilə görüşmək şərəfinə nail oldum. İsrailin beynəlxalq diplomatik əlaqələrini gücləndirmək üçün növbəti tapşırıqlarımıza hazırlaşarkən onun göstərdiyi dəstəyə görə minnətdaram. Azərbaycana yeni səfərimin başlanmasını səbirsizliklə gözləyirəm“, – deyə səfir Ronen Kraus qeyd edib.
Yeni səfirin yaxın günlərdə Bakıya səfəri və İsrail-Azərbaycan diplomatik münasibətlərinin yeni mərhələyə keçidi gözlənilir. Bu addım iki ölkə arasında siyasi, iqtisadi və təhlükəsizlik sahəsində əməkdaşlığın daha da dərinləşəcəyinə işarədir.
