Finlandiya Rusiyaya hava məkanının pozulması ilə bağlı nota təqdim edib
Rusiyanın Finlandiyadakı səfiri Pavel Kuznetsov, iki Rusiya hərbi təyyarəsinin Finlandiyanın hava məkanını pozması ilə əlaqədar Finlandiya Xarici İşlər Nazirliyinə (XİN) çağırılıb və ona rəsmi nota təqdim edilib.
“Report”un “Yle” televiziya şirkətinə istinadla verdiyi məlumata görə, Finlandiya tərəfi hadisəyə ciddi yanaşır və məsələ ilə bağlı Rusiyadan izahat tələb edir.
“Səfirə bildirilib ki, Finlandiya ehtimal olunan ərazi pozuntusuna ciddi yanaşır və bu məsələnin aydınlaşdırılmasını xahiş edir. Səfirə bu məsələ ilə bağlı nota təqdim olunub,” – deyə Finlandiya XİN-dən bildirilib.
Finlandiya Müdafiə Nazirliyi isə 23 may tarixində Porvoo sahilləri yaxınlığında iki Rusiya hərbi təyyarəsinin ölkənin hava məkanını pozduğunu bəyan edib. Hazırda ölkənin sərhəd xidməti insidenti araşdırır və araşdırmanın nəticələri əsasında əlavə məlumatın veriləcəyi gözlənilir.
Bu hadisə son dövrlərdə Rusiya ilə Skandinaviya ölkələri arasında artan gərginliyi və təhlükəsizlik narahatlıqlarını daha da artırır.
