Ərdoğan: Azərbaycan və Rusiya problemi həll edəcək anlayış səviyyəsində ölkələrdir
Prezident Rəcəb Tayyib Ərdoğan bildirib ki, Azərbaycan və Rusiya diplomatik gərginliyi aradan qaldıracaq potensiala malikdir. O, İlham Əliyevin məsuliyyətli mövqe sərgilədiyini vurğulayıb.
Ərdoğan: Azərbaycan və Rusiya problemi həll edəcək anlayış səviyyəsində ölkələrdir
Türkiyə Prezidenti Rəcəb Tayyib Ərdoğan, Azərbaycandan geri dönərkən təyyarədə jurnalistlərə verdiyi açıqlamada Azərbaycan və Rusiya arasındakı gərginliyin sülh yolu ilə həll olunacağına inandığını bildirib.
“Hər iki dost ölkə problemin öhdəsindən gələcək anlayış səviyyəsinə malikdir. Prezident İlham Əliyev bu məsələdə çox diqqətli və ehtiyatlı davranır. O, bu mövzunun qızışdırılmasının tərəfdarı deyil”, – deyə Ərdoğan “Haber Global”a istinadən “Report” yazır.
Türkiyə Prezidenti əlavə edib ki, Ankara vəziyyəti yaxından izləyir və tərəfləri mülayim və diplomatik çıxış yolları tapmağa çağırır:
“Biz inanırıq ki, diplomatik gərginliyi azaldacaq bəyanatlar məsələnin daha asan və əsaslı şəkildə həllinə səbəb olacaq. Ümid edirəm ki, Azərbaycan və Rusiya arasındakı neqativ hallar ən qısa zamanda sona çatacaq.”
Ərdoğanın bu açıqlamaları Ankara’nın regionda sabitliyin və əməkdaşlığın qorunmasına verdiyi önəmi bir daha ortaya qoyur.
