Rusiya Azərbaycan və Ermənistan arasında sülh sazişinin imzalanmasını dəstəkləyir və bu istiqamətdə hər iki ölkəyə uğurlar arzulayır. Bu barədə Rusiya Federasiyasının xarici işlər naziri Sergey Lavrov bəyan edib.
Lavrov bildirib ki, Moskva sülh prosesinin irəliləməsi üçün tərəflərə yardım etməyə hazırdır. Onun sözlərinə görə, bu təşəbbüslər əvvəllər keçirilmiş bir neçə üçtərəfli sammitin nəticəsində mümkün olub: “Ermənistan və Azərbaycan arasında sülh sazişi imzalanmalıdır, biz bu işdə onlara səmimi uğurlar arzulayırıq. Əgər hər iki tərəf maraqlıdırsa, biz bundan sonra da dəstək verməyə davam edəcəyik”.
Lavrovun bu açıqlaması Cənubi Qafqazda davamlı sabitliyin qurulmasına yönəlmiş beynəlxalq səylərin bir hissəsi kimi qiymətləndirilir.
