Bakı-Qroznı reysi ilə uçan təyyarənin qəzası ilə bağlı Azərbaycanda matəm elan edilib
Dekabrın 25-də Bakı-Qroznı istiqamətində uçuş həyata keçirən “Azərbaycan Hava Yolları” QSC-yə məxsus “Embraer 190” sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində çoxsaylı insan tələfatı baş verib. Bu dəhşətli hadisə ilə əlaqədar dekabrın 26-da Azərbaycanda matəm günü elan edilib.
Azərbaycan Respublikasının Prezidenti İlham Əliyev bununla bağlı müvafiq sərəncam imzalayıb. Matəm günü çərçivəsində ölkənin bütün məscidlərində dualar oxunacaq və təyyarə qəzasında həlak olanların xatirəsi ehtiramla yad ediləcək.
Televiziya kanalları yayım cədvəllərində dəyişiklik edəcək, lakin təhsil müəssisələrində tədris adi qaydada davam etdiriləcək.
Xatırladaq ki, dekabrın 25-də Bakı-Qroznı № J2-8243 reysini həyata keçirən təyyarədə 67 nəfər – sərnişinlər və ekipaj üzvləri olub. Son məlumatlara əsasən, qəza nəticəsində 29 nəfər sağ qalıb.
Hadisə ilə bağlı rəsmi məlumat və xəbərlər ictimaiyyətə çatdırılmağa davam edir.
