Azərbaycanın Stolüstü Tennis Yığması Türkiyədə Təlim-Məşq Toplanışına Yollandı
Azərbaycanın stolüstü tennis yığması təlim-məşq toplanışı məqsədilə Türkiyənin Yalova şəhərinə yola düşüb. Baş məşqçi Fərhad İsmayılov və məşqçilər Elnur Hidayətzadə və Ramil Cəfərovun rəhbərliyi altında hazırlıq prosesinə qatılan 12 idmançı, Yalova “Masa Tennisi Salonu” kompleksində intensiv məşqlər keçəcək.
Toplanışa qatılan idmançılar — Hilal Həsənov, Vəzir Allahverdiyev, Nihad Məmmədov, Rüstəm Hacılı, Adil Əhmədzadə, Hüseyn Eylazov, Zemfira Mikayılova, Ləman Abdulhəmidova, Səbinə Məmmədova, Xədicə Əbilzadə, Nigar Mahmudova və Aysu Ağayeva — hazırlıq müddətində İstanbul və Bursa şəhərlərində yoldaşlıq turnirlərində iştirak edərək bacarıqlarını sınayacaqlar.
Qeyd: Bu toplanışdan əvvəl komandanın 8 üzvü Çində təlim-məşq toplanışına qatılmışdı.
