Rusiya: Ermənistana Giriş Qadağası Qeyri-Dost Addımdır – XİN-dən Açıqlama
Rusiya Xarici İşlər Nazirliyi bəzi rusiyalıların Ermənistana girişinə qoyulan qadağanı qeyri-dost hərəkət kimi qiymətləndirib. Bu barədə Rusiya XİN-in rəsmi nümayəndəsi Mariya Zaxarova TASS-a istinadən keçirilən brifinqdə məlumat verib.
Zaxarovanın sözlərinə görə, Rusiya vətəndaşlarına tətbiq olunan qadağa iki ölkə arasında müttəfiqlik münasibətlərinə ziddir və Moskva bu məsələnin həlli üçün İrəvana konkret təkliflər irəli sürüb.
“Biz Rusiya-Ermənistan əməkdaşlığının müttəfiqlik xarakterinə uyğun olaraq, Ermənistanın bu qərarına qarşı münasibət bildirdik. Bu məsələ may ayında Sergey Lavrovun İrəvana səfəri zamanı Ermənistan xarici işlər naziri ilə müzakirə olunub. Hazırda Ermənistanın reaksiyasını gözləyirik”, – deyə Zaxarova bildirib.
