Ərdoğan və Lavrov Ankarada Görüşəcək
Türkiyə prezidenti Rəcəb Tayyib Ərdoğan Rusiyanın xarici işlər naziri Sergey Lavrovla Ankarada görüş keçirəcək. Bu barədə RİA Novosti Türkiyə liderinin administrasiyasına istinadən məlumat yayıb.
Fevralın 23-də Lavrov rəsmi səfərlə Türkiyəyə gəlib. CNN Türk xəbər verir ki, o, Türkiyənin xarici işlər naziri Hakan Fidanla da görüşəcək. Fevralın 24-nə təyin edilən iclasda Ukraynadakı vəziyyət, Suriyada təhlükəsizlik məsələləri və beynəlxalq problemlər müzakirə olunacaq.
Fevralın 20-də Lavrov və Fidan G20 toplantısı çərçivəsində danışıqlar aparıb. Görüş zamanı ticarət-iqtisadi əməkdaşlığın perspektivləri və bir sıra regional məsələlər müzakirə edilib. Lavrov həmçinin Ər-Riyadda keçirilən Rusiya-Amerika danışıqlarının nəticələri barədə türkiyəli həmkarına məlumat verib.
